Abafuliiru bayifwijiri ku kyedu ukulonga Ibibiriya mu ndeto yabo ye'Kifuliiru.
Mu mwezi gwe'kyeje 2015, indaaro yo'kuhindula amandiko meeru mu ndeto ye'kifuliiru ikayakiira abahinga ukulyoka ku muligaano úguli mu detwa SIL-ECG, higulu lyo'kuyiji tanduula imikolwa ígweti igakolwa, no'kulola ngiisi kwa'Bafuliiru bagweti bagakoleesa ikihango Kihyahya kye'kifuliiru mu mashengero. Iri bakahika, banatuma-tuma abandu mu mashengero maguma ga'Bafuliiru, bagendi sisa mu kubuuza ibibuuzo. Hanyuma lya yukwo kusisa, banagwana kwo handu hingi mu mashengero, bagweti bagakoleesa ikihango kihyahya, ne'ngingwe mu mashengero ga mu kishoola. Banagwana na kwa'Bafuliiru bakeniiri bweneene ukulonga Ibibiriya yoshi ye'Kifuliiru. Kwokwo, yabo bageezi nabo banataaha bashambiiri.
Na buno, abahinduzi be'Bibiriya mu kifuliiru bafitiirwi higulu lyo'kuyukiriza Ibibiriya yoshi.
Tulangaliiri kwa'Bafuliiru booshi bagweti bagahuunira yugwo mukolwa.
Tugwatane tweshi lyo'tugenderera !
